ആനന്ദമാനന്ദം നല്‍കീടും
ആനമയക്കികള്‍ നാടുവാഴുമ്പോള്‍
കണ്ണീരു മാത്രം കഥ കേള്‍ക്കും
ദൈന്യതയുടെ കാണാക്കണ്ണീരു മാത്രം .
ആഘോഷങ്ങള്‍ പൊടിപൊടിച്ചു
നീ വീടണയുമ്പോള്‍ ,
അടുക്കളയില്‍ ഒഴിഞ്ഞ
പാത്രങ്ങളുടെ ഗതകാല
കഥകള്‍ കേട്ടു മയങ്ങുന്ന നിന്‍
കുരുന്നുകള്‍ കാലിനു പന്താകും.
മോന്തിയ കള്ളിന്റെ കെട്ടിറങ്ങാന്‍
കെട്ടിയോളുടെ താലിയിറങ്ങണം...
കെട്ടിയ നാളിലെ സ്വപ്‌നങ്ങള്‍
മനസ്സില്‍ നിന്നും തൂക്കി വില്‍ക്കണം...
കേള്‍ക്കുക നീ , അവളല്ലവളുടെ
സാന്ത്വനമായ തലയിണയുടെ
കരളലിയിക്കും വാക്കുകള്‍ ...
"ആവില്ലെനിക്ക് താങ്ങാന്‍
ഇനിയൊരു തുള്ളി കണ്ണീരു പോലും ..
ഒരു ദിനമെങ്കിലും ഈറനണി-
യാതൊന്നുറങ്ങട്ടെ ഞാന്‍ ... "
ആഘോഷങ്ങള്‍
Posted by സനില്‍ എസ് .കെ at 12/29/2008 05:13:00 PM
ഇതിനായി സബ്‌സ്ക്രൈബ് ചെയ്ത:
പോസ്റ്റിന്റെ അഭിപ്രായങ്ങള്‍ (Atom)
0 എന്തായാലും പറഞ്ഞോളൂ:
ഒരു അഭിപ്രായം പോസ്റ്റ് ചെയ്യൂ